Shqiponja e Xhakës dhe Shaqirit ka tërbuar jo vetëm serbët, por edhe rusët, aleatët e mëdhenj të serbëve.
Në fakt, në disa ndeshje të Kupës së Botës herë pas here dëgjohet kori “Kosova është Serbi” nga tifozët rusë, një ndër koret e pakta politike gjatë Botërorit. Rusët janë kundër Kosovës, duke qenë aleati më i madh i Serbisë historikisht.
Për këtë arsye, festimi i golave nga Xhaka e Shaqiri ka tërbuar edhe rusët, që nuk pranojnë gjeste të tilla pikërisht në shtëpinë e tyre.
Edhe Vladimir Putin, i cili në ceremoninë e hapjes së Botërorit mbajti një fjalim ku kërkonte paqe dhe harmoni gjatë turneut, është zemëruar pa masë, raporton spanjollja AS.
Gjesti ka tërbuar Rusinë, që e quan provokim të hapur jo vetëm ndaj Serbisë, por edhe ndaj Rusisë. Kjo e fundit, ashtu si Serbia, ka ndërmend të ankohet në FIFA, në mënyrë që Xhaka e Shaqiri të dënohen, të paktën me gjobë.
Ndërkohë që tifozeria serbe i ishte bashkuar edhe ajo ruse një natë më parë në stadium. Mediat e huaja shkruajnë se shqiptarët e Kosovës Xhaka dhe Shaqiri kishin elektrizuar ndeshjen.
Më tej ata flasin edhe për prejardhjen e tyre ku shkruajnë se Xhaka, babai i të cilit u burgos dhe u rrah në ish-Jugosllavi, kishte bërë fushatë në favor të pavarësisë së Kosovës dhe vëllai i tij Taulanti luan për ekipin kombëtar shqiptar, festoi me simbolin e shqiponjës. Edhe Shaqirin dhe Berhami, kosovarët e tjerë të Zvicrës, ishin fyer turma ku serbët u mbështetën nga rusët, dhe thirrnin: “Serbi-Rusi! Serbi-Rusi! “Sipas mediave të huaja, Zvicra në pjesën e dytë të lojës është udhëhequr nga Shaqiri i cili bëri një lojë luftarake dhe të bukur.
