Shqipëria brenda vitit do të ketë një bursë të tregtimit të energjisë.
Bordi i Entit Rregullator ka miratuar, në fillim të këtij viti, specifikat se si do të funksionojë Bursa e Energjisë.
Burime nga ministria e Energjisë bëjnë te ditur se planet fillestare për ngritjen e saj kanë qenë për në mars të këtij viti. Mungesa e ekspertizës së thellë teknike dhe përvojës e kanë shtyrë funksionimin e saj për më tej.
Me funksionimin e saj, energjia do të tregtohet me çmime reale, teksa prodhuesit publikë dhe privatë të energjisë dhe tregtarët, nga ana tjetër, do të jenë më të qetë nga ky fakt. Krijimi i Albania Power Exchange (APEX) do të jetë në përputhje me zbatimin e politikave të energjisë dhe me standardet e Bashkimit Europian si dhe integrimin në tregun rajonal të energjisë, thonë ekspertët.
