Pas deklaratave të kryeministrit Edi Rama se, nëse BE nuk i hap dyert Shqipërisë, atëherë ajo mund të bashkohet me Kosovën, ka reaguar edhe Komisioni Evropian përmes zëdhënëses, Maja Koçijançiç.
E pyetur nga “Blic” për deklaratën se a “është i mundur bashkimi i Shqipërisë dhe Kosovës”, Koçijançiç tha se duhet të ruhen marrëdhëniet e mira me fqinjët, teksa shtoi se Ballkani ka një të ardhme të qartë evropiane
“Siç ka qenë konfirmuar së fundmi edhe nga Këshilli i Evropës, rajoni i Ballkanit Perëndimor ka një të ardhme të qartë evropiane. Për të arritur këtë qëllim ne bashkëpunojmë me të gjithë partnerët në rajon pa u larguar nga parimi i pajtimit dhe bashkëpunimit rajonal. Çdo formë e ndikimit politik, është e dëmshme për konsolidimin e marrëdhënieve të mira fqinjësore”, tha Maja Koçijançiç.
