Drejtuesi politik i Koalicionit Euroatlantik, Lulzim Basha, ka zhvilluar një takim me strukturat e degës 4 në Tiranë, bashkë kandidatët për këtë zonë elektorale Orsela Aga dhe Hysen Xhura. Duke folur për korrupsionin e qeverisë, ai tha se fraza “o Rame ku i ke shokët, 7×7-313” e ka ndjekur edhe në takimet që ka zhvilluar sot në qytetin e Elbasanit, që sipas tij rrallë herë e vërteta ka arritur të perifrazohet në mënyrë kaq domethënëse.
Basha gjithashtu është shprehur se qytetarët e kanë të qartë tashmë që më 11 maj do të vendosin që lekët dhe taksat e tyre, rikthejmë tek shqiptarët përmes rritjes së pensioneve, subvencioneve për fermerin, uljes së taksave, mundësi sipërmarrjes shqiptare, për punësim, paga dinjitoze, investim tek rinia, ose do të shkojnë në xhepat e shokëve të Edi Ramës tek 7×7=313.
Ai më tej tha se për 12 vite është provuar se vizioni i ashtuquajtur Shqipëria 2030 i këtij kryeministri, degjeneroi në Shqipëria 313.
Pjesë nga fjala e Bashës:
Sot kam qenë dhe në Elbasan, qytetarët “o Rame ku i ke shokët, 7×7-313”, pse? Sepse rrallë herë e vërteta ka arritur të perifrazohet me një frazë kaq domethënëse.
Lekët e shqiptarëve o do jenë në ekonomi, o do jenë në xhepat e shokëve të Edi Ramës. Nuk mund të jenë njëkohësisht tek të dyja. Paratë që duhen të shpenzohen për shëndetin e shqiptarëve, o do të shpenzohen për të përmirësuar cilësinë e shërbimin shëndetësor të spitaleve, për të përmirësuar pafgat e mjekëve, infermierëve, të punonjësve të shëndetit, për të rimbursuar 100% barnat sipas diagnozës, ose do të përfundojnë në xhepat e Ilir Beqajt dhe shokëve të tjerë të kryeministrit në koncensione korruptive. Paratë e shqiptarëve ose do të përkthehen në investime publike që ndihmojnë cilësinë e jëtës, ekonominë, punësimin, ose do të përfundojnë në xhepat e shokëve të Ramës tek 7×7=313 . Paratë e shqiptarëve nuk mund të jenë njëkohësisht edhe në xhepat e shqiptarëve, edhe në taksa të ulëta për shqiptarët, edhe pensione dinjitoze për shqiptarët, edhe në xhepat e shokëve të Ramës. O janë diku, o janë diku tjetër. Dhe ka 12 vite që lekët e shqiptarëve, taksat e shqiptarëve, lekët e shëndetësisë, lekët e arsimit, të çdo fushe, subvencionet e fermerëve, nuk janë në ekonominë e shqiptarëve, nuk janë në xhepat e shqiptarëve, sepse janë në xhepat e shokëve të Edi Ramës, një pjesë e të cilëve janë atje tek 7×7=313.
Ndaj zgjedhje në 11 maj është fare e thjesht: këto para do t’i rikthejmë tek shqiptarët përmes rritjes së pensioneve, subvencioneve për fermerin, uljes së taksave dhe dhënies mundësi sipërmarrjes shqiptare të gjenerojë ekonomi, punësim, paga dinjitoze, investimi tek rinia jonë, siç është plani ynë për t’i bërë pjesë e një tregu dinamik pune që t’i shpërblejmë me paga dinjitoze dhe mos ta kenë mendjen të largohen nga vendi i tyre. Apo do të vazhdojmë edhe katër vite të tjera me refrenin Shqipëria 313-të. Sepse ne të gjithë e dime, e kemi parë, e kemi provuar se vizioni i ashtuquajtur Shqipëria 2030 i këtij kryeministri, degjeneroi në Shqipëria 313. A mund të vazhdohet më kështu? Apo akoma më keq, me një model tjetër i cili synon të riciklojë rrangallat e tranzicionit dhe të korrupsionit. Prandaj janë të lidhur me njëri-tjetrin. Edi Rama e mban pushtetin, ose e ka mbajtur deri tani sepse ka investuar tek një pseudo opozitë e cila s’ka asnjë lidhje me hallet e qytetarëve.
