Shkëmbimet tregtare mes Shqipërisë dhe vendeve të Bashkimit Europian janë rritur vit pas viti, ku vetëm gjatë 9-mujorit të parë të 2025, eksportet drejt vendeve të unionit, sipas INSTAT, zënë gjithsej 73,3%, ndërsa importet nga vendet e BE-së zënë 51,1%.
Italia mbetet një nga partnerët ndërkombëtarë që ka volum tepër të lartë të shkëmbimeve tregtare me vendin tonë, me një total prej 26,9% vetëm gjatë periudhës Janar-Shtator të këtij viti, sipas të dhënave zyrtare.
Gjatë këtij 9-mujori, vlera e eksporteve drejt Italisë rezultoi në 10,8%, ndërsa e importeve ishte rreth 3%.
Vlera e shkëmbimeve tregtare Itali-Shqipëri në vitin 2024 arriti në 351,4 miliardë euro, ndërsa vetëm gjatë periudhës Janar-Shtator 2025, këto shkëmbime arritën në 246,4 miliardë euro.
Një peshë tepër e rëndësishme kanë edhe investimet direkte të Italisë në vendin tonë, ku vetëm në gjysmën e parë të këtij viti, investimet e huaja direkte nga Italia shënuan vlerën e 89 milionë eurove, sipas të dhënave të Bankës së Shqipërisë.
Në vitin 2024, këto investime direkte rezultuan edhe më të larta, pasi arritën në vlerën e 196 milionë eurove. Përgjatë 5 viteve të fundit, Italia ka kryesuar investimet e huaja direkte në vendin tonë së bashku me Turqinë dhe Holandën. Investimet italiane janë kryesisht të përqendruara në sektorin e shërbimeve.
Klan News
