Kryetari i LSI-së, Ilir Meta, në një takim me të rinjtë e LRI-së në Njësinë Administrative nr.1 në Tiranë u shpreh se çdo lloj konflikti, është kosto për çdo qytetar, familje, dhe të rinjtë e vendit.
Meta pohoi se zgjedhjet e lira nuk bëhen as për opozitën e as për pozitën por për shqiptarët.
“Zgjedhjet bëhen për qytetarët shqiptarë, janë ata që votojnë, që vendosin. Zgjedhjet duhet të bëhen në mënyrë më të qetë dhe më demokratike.
Çdo lloj destabiliteti, është kosto për vendin. Çdo lloj konflikti, është kosto për çdo qytetar, familje, dhe të rinjtë”, tha kreu i LSI-së.
