Në orët e para të mëngjesit të sotëm, 28 nëntor, ka shpërthyer lëndë plasëse në ambientet e jashtme të një lokali.
Policia e Tiranës njofton se ngjarja ka ndodhur rreth orës 05:00 në rrugën “Sali Butka”.
“Lënda plasëse ka shpërthyer në ambientet e jashtme të lokalit në përdorim nga shtetasi Armand Xhaferraj, 40 vjeç”, thuhet në njoftimin zyrtar.
Nga shpërthimi ka dëme të shumta materiale.
Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.
