Një kabinë elektrike ka shpërthyer në flakë në zonën e “Bregut të Drinit” në Lezhë, duke shkaktuar panik te banorët e një pallati aty pranë.
Ngjarja ndodhi pasditen e sotme, kur tymi mbuloi ndërtesën dhe banorët u detyruan të dalin jashtë për shkak të frikës për lëndime.
Zjarri ka shkaktuar ndërprerje të energjisë elektrike në një pjesë të qytetit të Lezhës. Policia dhe shërbimi zjarrfikës janë në vendin e ngjarjes, ndërsa shkaqet e zjarrit dhe shpërthimit mbeten ende të paqarta. Fatmirësisht, nuk raportohet për të lënduar deri tani.
