Një çift bashkëshortësh nga Laçi kanë mbetur të plagosur si pasojë e shpërthimit të një bombole gazi. Ngjarja ka ndodhur mëngjesin e sotëm, 27 nëntor, në lagjen nr.1 të qytetit.
Nga shpërthimi i bombolës së gazit e zonja e shtëpisë ka djegie në 50 % të trupit dhe është dërguar në gjendje të rendë në spitalin e djegieve në kryeqytet.
Djegie të lehta ka pësuar edhe kryefamiljari, por fatmirësisht ndodhet jashtë rrezikut për jetën.
Grupi hetimor ka nisur punën për zbardhjen e shkaqeve të ngjarjes.
