Komisioni Qendror i Zgjedhjeve vijon procedurat për zgjedhjen e kompanisë postare që do të shpërndajë “pakot zgjedhore” në shumë vende të botës për votën e diasporës. Procedura është publikuar ditën e shtunë, datë 22 mars ndërsa janë ftuar të 5-të operatorët, të gjithë përveç Postës Shqiptare, të cilët do duhet të dorëzojnë ofertat dhe shembujt nesër në orën 15.00.
Bëhet me dije se 5 kompanitë ndërkombëtare që kryejnë shërbim ekspres dhe janë ftuar nga KQZ janë: TNT, DHL, FEDEX, UNI TRANS, ADEX. Mësohet gjithashtu se gjatë fazës së testimit paraprak, edhe pse u ftuan të 5-ta këto kompani, vetëm 2 shfaqën interes.
