Një 22-vjeçar i identifikuar si Arbi Ujkaj ka rënë në pranga nga Policia pasi dyshohet se shpërndante lëndë narkotike në Astir.
Sipas edhe një komunikate, policia thotë se gjatë operacionit janë sekuestruar lënde e dyshuar narkotike kokainë, me peshë 300 gram, një pjesë e ndarë në doza, gati për shitje.
Gjatë operacionit u arrestua në flagrancë shtetasi A. U., 22 vjeç, banues në Tiranë, për veprën penale “Prodhimi dhe shitja e narkotikëve”.
Njoftimi i policisë:
DVP Tiranë/ Finalizohet nga Komisariati i Policisë Nr. 6 dhe Sektori për Hetimin e Narkotikëve operacioni policor i koduar “Transportuesi” për goditjen e veprimtarive kriminale në fushën e shpërndarjes së narkotikëve.
Sekuestrohet sasi lënde e dyshuar narkotike kokainë, me peshë 300 gram, një pjesë e ndarë në doza, gati për shitje.
Arrestohet në flagrancë poseduesi.
Shërbimet e Komisariatit të Policisë Nr. 6 dhe ato të Sektorit për Hetimin e Narkotikëve në vijim të punës për goditjen e veprimtarive kriminale në fushën e narkotikëve, bazuar në informacionet e siguruara në rrugë operative për një shtetas që shpërndante lëndë narkotike në zonën e njohur si Astiri, kanë organizuar dhe finalizuar operacionin policor të koduar “Transportuesi”.
Gjatë operacionit u arrestua në flagrancë shtetasi A. U., 22 vjeç, banues në Tiranë, për veprën penale “Prodhimi dhe shitja e narkotikëve”.
Shërbimet e Policisë kanë lokalizuar 22-vjeçarin, duke lëvizur në Unazë të Re.
Gjatë kontrollit fizik të tij shërbimet e Policisë i gjetën dhe sekuestruan, në cilësinë e provës materiale, sasi lënde të dyshuar narkotike kokainë me peshë 300 gram.
Materialet i kaluan Prokurorisë.
