Shoqatat fantazmë/Provat e reja thellojnë skandalin e FSHF-së

Shoqatat fantazmë të shumëpërfolura ditët e fundit, kanë marrë një shkallë më të lartë vëmendje edhe pse patëm një komunikim zyrtarë nga FSHF, ku përgënjeshtroi gjithçka. Këtë herë situata bëhet më e rëndë, pasi “Tema” ka zbuluar dokumente ku vërtetojnë se Federata ka ndërhyrë edhe në zgjedhjen e anëtarëve që do të marrin pjesë në votim në Asamble Zgjedhore e të Zakonshme. Ky abuzim është bërë me Shoqatës së Minifutbollit shqiptar e cila ka të drejtën e votës dhe është e regjistruar në gjykatë.
 
Abuzimi këtë herë qëndron në faktin se ka pasur ndërhyrje edhe në zgjedhjen e anëtarëve që do të përfaqësonin këtë shoqatë në votim. Në zgjedhjet e 2014-ës si delegat me të drejtë votë në emër të të Shoqatës së Minifutbollit në Asamblenë e Përgjithshme mori pjesë Armand Dama, ish-trajneri i Kombëtares së minifutbollit. Duke qenë se është një shoqatë e regjistruar në gjykatë dhe ka të drejtën e votës, në këtë votim duhet të merrte pjesë presidenti Klodian Kadiun (provohet me dokumente), i cili ndaluar asokohe në mënyrë abuzive të merrte pjesë në atë Asamble.

Për të shmangur përplasje të tjera të këtij lloji, FSHF ka bërë mashtrimin e radhës sa i përket listës së pjesëmarrësve në Asamble. Në listën e saj është bërë një ndryshim dhe në vend që të përmendet Shoqata e Minifutbollit si anëtare me të drejtë vote në Asamble (duke qenë se është e regjistruar në Gjykatë), është vendosur aty emri i Shoqatës së Futsallës, që nuk e është e regjistruar në gjykatë. Për ta qartësuar se pse është bërë kjo lëvizje? Gjejeni kush do votojë në emër të Shoqatës fantazmë të Futsallit. Sërish Armand Dama…