Bashkimi Europian ka kërkuar nga Amazon që të paguajë 250 milion euro (220 milion paund) në Luksemburg për taksa të papaguara.
Komisionerja e BE-së, Margrethe Vestager tha se rreth tre të katërtat e fitimeve të kompanisë gjigante nuk u tatuan nga Luksemburgu, në kuadrin e një marrëveshjeje të rënë dakord mes kompanisë dhe Dukës gjatë viteve 2003-2011.
Kjo marrëveshje e lejoi kompaninë që të fitonte avantazh të padrejtë duke paguar katër herë më pak se kompanitë e tjera për 8 vite me radhë.
Sipas komisionit, kompania Amazon regjistroi të gjitha shitjet në Luksemburg duke i lëvizur fitimet e saj në një njësi të vecantë që lejonte t’i dërgonte paratë në selinë e kompanisë në SHBA.
Kjo, sipas Vestager ishte e paligjshme dhe urdhëroi Luksemburgun të rimblidhte ato para, bashkë me interesin përkatës.
Vendimi për kompaninë Amazon mund të duket i vështirë për presidentin e Komisionit Europian, Jean-Claude Juncker, i cili ishte kryeministri i Luksemburgut dhe ministri i Financave në kohën e marrëveshjes së dyshuar.
Nga ana tjetër, kompania Amazon tha se do të apelojë vendimin.
“Ne besojmë se Amazon nuk ka marrë ndonjë trajtim të veçantë nga Luksemburgu dhe se kemi paguar tatimin në përputhje të plotë me ligjet e Luksemburgut dhe të taksave ndërkombëtare”, tha kompania.
Burimi: The Telegraph, Përshtati: Tirana Today
Luxembourg gave illegal tax benefits to Amazon worth around €250 million. Now Amazon must pay back these benefits. https://t.co/WlTkQicQ2s pic.twitter.com/NEuhTcq2E6
— European Commission (@EU_Commission) October 4, 2017
