Qëndresa Qytetare ka dalë me një deklaratë lidhur me shkrirjen e Universitetit të Korçës me atë të Tiranës, si dhe skandalin në Shkodër ku rektorja kërkonte para në këmbim të notës kaluese në provime.
Në deklaratën e tyre thuhet se e vetmja rrugë e shpëtimit të Universitetit është vetingu akademik dhe pasuror i drejtuesve të tyre.
Më tej ata theksojnë se stafet e profesorëve duhet të ngrihen kundër shkrirjes së universiteteve dhe Albanologjisë ashtu siç dolën në protestë për pagat dhe transparencën.
Deklarata e plotë
Nisur nga ngjarjet e fundit ne dy universitetet kryesore Rajonale, Qendresa Qytetare shpreh shqetesimin per Vendimin e Senatit te Universitetit “Fan Noli” per vet – shkrirje nen emrin e Universitetit të Tiranes dhe shpalljen ne kerkim te Rektores se Universitetit Luigj Gurakuqi. Vetëm në 30 ditë Konferencës së Rektorëve tashmë i mungojnë 3 prej tyre dhe kjo gje nuk shqeteson asnje vendimmarres.
Prej vitit 2017 cdo shtator kemi paralajmeruar qe kjo dite do te vinte nese Universitetet nuk reformonin kurrikulat, nuk rrisnin transparencen dhe parate e studenteve nuk ja dedikonin zhvillimit shkencor por naftes, dietave dhe rojeve.
Në këtë situatë keqmenaxhimi universitar, e vetmja rrugë e shpetimit të universitetit është vetingu akademik dhe pasuror i drejtuesve të tyre. Universitetet shqiptare duhet të ndahen njehere e mire nga fenomeni i korrupsionit, i trafikut të notave dhe i shperdorimit te parave. Identiteti dhe integriteti akademik i vendit nuk mund te jete peng i disa drejtuesve qe e trajtojne postin si çiflig personal e pasojat i vuan universiteti, studentet e pedagoget.
Stafet e profesoreve, ashtu sic u ngriten per pagat dhe transparencen, sot duhet te tregojne publikisht se jane kunder shkrirjes me porosi te universiteteve dhe albanologjise, kunder korrupsionit, kunder axhendes anti – universitet dhe pro arsimit cilesor.
