Britania e Madhe me anë të një letre ka paralajmëruar qytetarët e BE-së, që të kthehen në vendet e tyre ose të shkojnë diku tjerët. Mesa duket Brexit ka filluar të japë efektet e saj, sepse Britania shprehet se qytetarët e Bashkimit Evropian do të duhet të largohen nga vendi.
Në një letër qeveritare të publikuar nga “The Guardian”, shkruar në emër të sekretarit të zyrës Amber Rudd dhe këshillon shtetasit e BE-së se ata duhet të marrin parasysh largimin. “Këta shtetas kanë të drejtën e udhëtimit lirisht në të gjithë BE-në dhe mund të vizitojnë, jetojnë, studiojnë dhe në shumicën e rasteve punojnë në çdo shtet tjetër të unionit”.
Letra e datës 18 tetor, e cila është shkruar nga zyrtarët e seksionit të emigracionit i thotë një shtetasi rumun në një qendër të paraburgimit, se kërkesa e tij për strehim emergjent është refuzuar dhe ai duhet të marrë në konsideratë një vend tjetër.
Në letër shkruhej: “Ju mund të largoheni duke u kthyer në Rumani ose në një shtet tjetër anëtar të BE-së, ku të gëzoni qasje në Konventën Evropiane për të Drejtat e Njeriut pa pengesa”.
Arrestimet dhe largimet e detyruara të shtetasve të BE-së nga Mbretëria e Bashkuar janë rritur ndjeshëm që nga votimi i Brexit, citon The Guardian. Kjo ka bërë që kritikët të pohojnë se Zyra Kombëtare synon qëllimisht të krijojë një mjedis armiqësor për emigrantët. Analiza e të dhënave të qeverisë tregon se depërtimet e shtetasve të BE janë në nivelin më të lartë që prej fillimit të regjistrimeve, me 5,301 largime në vit deri në qershor 2017 .
