Tre persona tentuan të hynin në një banesë natën mes të dielës 16 korrik dhe të hënës.
Njëri prej tyre, një 20-vjeçar shqiptar, i cili kishte shkuar nëv Itali pak ditë më parë me vizë turistike, u arrestua me akuzën e tentativës për vjedhje të rëndë.
Ngjarja ka ndodhur në via Monte Nero, ku policia ka ndërhyrë pas denoncimit të një banori të zonës i cili dyshonte për praninë e tre personave.
Të tre, pasi janë ngjitur në tubacionet e gazit të një pallati, kanë mbërritur në ballkonin e një apartamenti në katin e dytë.
Mbërritja e policisë ndërpreu tentativën për vjedhje dhe të tre u larguan duke marrë drejtime të ndryshme.
Vetëm njëri nga të tre, 20-vjeçari me origjinë shqiptare, u bllokua dhe u arrestua.
