Ekipi italian i Interit prej shumë kohësh ka nevojë për qëndrueshmëri në repartin e mbrojtjes dhe shumë shpejt kërkon një përforcim të rëndësishëm.
Futbollisti me orgjinë shqiptar, Shkodran Mustafi, i cili në sezonin e kaluar është konfirmuar si një nga qendërmbrojtësit më të mirë në Angli duket se i ka tërhequr vëmendjen Luçiano Spaletit.
Zikaltërit janë interesuar për mbrojtësi i cili përfaqëson Gjermaninë dhe sipas “Sky Sport” janë gati të bëjnë një ofertë zyrtare të Arsenali për të siguruar firmën e tij.
Megjithatë, për momentin “topçinjtë” nuk kanë ndër mend të heqin dorë nga futbollisti i cili është një nga pikat e paprekshme në rreshtimin e skuadrës së Venger.
Mustafi ka qenë edhe në të kaluarën pjesë e futbollit italian, ku ka veshur fanellën e skuadrës së Sampdorias para se të shkonte te Valencia e më pas të transferohej në Angli.
