Qyteti i Shkodrës është tronditur pas sulmit nga një granatë, në banesën e një ish-polici.
Uniformat blu konfirmojnë se është hedhur granatë në banesën e ish-efektivit Shyqyri Çela.
Ngjarja ka ndodhur në orën 03:00 të natës, në lagjen “Rus”, e ndërsa ai ka qenë i vetëm në banesë. Nga shpërthimi janë thyer xhamat e dritares, dhe nuk raportohet për të lënduar.
Janë ende të paqarta shkaqet e ngjarjes, ndërsa policia ka nisur hetimet për zbardhjen e rrethanave.
