Zjarri në kabinën elektrike në parkingun nëntokësor të Bulevardit të Ri
Tiranë – Më datë 21 janar 2025, rreth orës 19:40, një incident është shënuar në parkingun nëntokësor pranë hyrjes së Bulevardit të Ri. Dyshohet se një shkëndijë elektrike ka shkaktuar zjarr në një kabinë elektrike, duke shkaktuar vetëm dëme materiale.
Menjëherë pas raportimit të incidentit, forcat e policisë dhe grupi hetimor mbërritën në vendngjarje për të hetuar shkaqet dhe rrethanat e rastit. Fatmirësisht, nuk raportohet për të lënduar apo rrezik për personat që ndodheshin aty pranë.
Autoritetet janë duke vazhduar punën për të sqaruar detajet e incidentit dhe për të vlerësuar masat e nevojshme për të parandaluar përsëritjen e situatave të ngjashme.
