Thashethemet për një shkëmbim të mundshëm mes Icardit dhe Higuain kanë ndezur merkaton në Itali. Të gjithë e komentojnë si të pamundur, duke pasur parasysh edhe moshën e lojtarëve, por disa besojnë se kjo intrigë është hedhur në media nga Juventus për ti rritur vlerën e kartonit Higuainit të cilin duan ta largojnë në këtë merkato.
Por një ish-drejtues i Juventusit, Luciano Moggi ka hedhur kategorikisht poshtë mundësinë për të ndodhur ky shkëmbim dhe ka akuzuar Wanda Narën, bashkëshorten agjente të Icardit për këto thashetheme që kanë dalë në qarkullim. Sipas tij kjo bëhet për faktin që ajo kërkon një përmirësim të rrogës së klientit të saj dhe kjo ishte njëra nga mënyrat për ta arritur.
“Duhet të them se në periudhën kur drejtoja Juventusin, më pëlqente të anashkaloja lajmet pa rëndësi, edhe i shtoja vetë, për të bërë gjëra të tjera në qetësi të plotë. Por duke e komentuar si gazetar nuk mund të rri pa thënë se asnjë nga të dy situatat nuk do të ketë një fund të lumtur dhe ju shpjegoj edhe arsyet pse nuk do të realizohen.
Aq më shumë kur flitet për një shkëmbim Higuain-Icardi plus para, mund të them se është një lajm i krijuar për të ngacmuar dy tifozeri rivale. Dhe ndoshta Wanda Nara, prokurore dhe bashkëshorte e Icardit, ka hapur zërin për të marrë më shumë para nga Interi dhe një zgjatje kontrate.
Pa hyrë në meritat e karakteristikave teknike të dy lojtarëve, mund të arrihet lehtësisht në konkluzionin se nëse do të bëhej një shkëmbim i tillë, do të thotë që Juventusi ndihmon Interin. Më e mundshme është një shitje e Higuain jashtë, apo një shkëmbim me Moratan te Çelsi”, shpjegoi Moxhi versionin e tij të ngjarjes.
