Policia zvicerane ka arrestuar dy persona si të dyshuar për tregëtimin e drogës. Në fillim të muajit shkurt të këtij viti, policia e Zug vëzhgoi 1 burrë që po i jeptë drogën 1 burri tjetër pranë stacionit të trenit Baar. Policia kontrolloi të dyshuarin, i cili ishte një 18-vjeçar shqiptar dhe e arrestoi nën akuzën e shpërndarjes së drogës.
Ndërsa edhe një tjetër 26-vjeçar shqiptar është arrestuar pasi i dorëzoi një personi lëndë narkotike,në një parking të Bashkisë Cam në fillim të muajit mars. Pas kontrollit në banesën e 26-vjeçarit u gjetën 700 gram heroinë, 400 gram kokainë, peshore dixhitale dhe materiale ambalazhi. Prokuroria nisi procedurën penale për shqiptarët nën akuzën e shitjes së lëndëve narkotike. Me kerkesë të Prokurorisë Publike, 2 shqiptarët u lanë në burg në pritje të hetimeve të metejshme.
Ndërsa një shqiptar u dënua nga gjykata e Lucernit me tre vite burg nën akuzën e shitjes së narkotikeve. Ai u arrestua në pranverë të 2023 dhe kishte një pagë prej 2 mijë frangash në muaj, por ai dëshironte të fitonte 10 mijë franga dhe më pas të kthehej në Shqipëri.
