Chelsea bën ligjin në Baku, ku u ka shënuar dy herë në pjesën e parë azerëve të Qarabag. Conte ka hedhur në fushë më të mirët për të mos i lejuar vetes ndonjë gabim, që mund ti hiqte mundësinë marrjes së vendit të parë në grup përkohësisht dhe sigurimin e kualifikimit përtej fazës së grupeve. Hazard është protagonisti kryesorë në këtë sfidë, pasi ka shënuar nga pika e bardhë e penalltisë dhe ka asistuar në mënyrë perfekte për William në golin e dytë. Azerët kanë mbetur me 10 lojtarë pas ndëshkimit me karton të kuq të kapitenit Sadykov.
Në minutën e 19 do të vinte ajo ndërhyrje në dëm të Wiliams nga kapiteni i Qarabag që ndryshoi rrjedhën e lojës. Pasi gjyqtari portugez De Sousa e ka vlerësuar si të gabuar dhe ka akorduar 11-metërsh, i cili u kthye në gol nga ylli belg, Hazard. Në këtë moment kapitenit të azerëve i është treguar kartoni i kuq që e ka përjashtuar, duke ia vështirësuar misionin Qarabagut, por mbetet i dyshimtë vendimi i arbitrit në këtë aksion.
Goli i dytë do të vijë nga një kombinim spektakolarë mes Williams dhe Hazard, ku ky i fundit asiston me finte për brazilianin i cili i vetëm përballë portierit e ka mjaft të ehtë ta dërgojë topin në rrjetë.
Në ndeshjen tjetër CSKA është duke bërë detyrën ndaj Benfikës, pasi e ka mbyllur pjesën e parë në 1-0. Portugezët nuk kanë arritur të marrin asnjë pikë deri në fazën e grupeve deri në këtë ndeshje. Është Schennikov i cili ka zhbllokuar rezultatin në minutën e 13’ dhe rrit presionin ndaj Baselit në sfidën përballë anglezëve të Manchester United.
