Një 40 vjeçar është ndaluar nga Policia e Korçës, pasi akuzohet se ka shpërdoruar detyrën në kompaninë ku ishte punësuar.
Mësohet se uniformat blu kanë ndaluar shtetasin Gentjan Shegani, banues në fshatin Drenovë, Korçë, me detyrë agjent shitjeje.
Ky shtetas në periudhën tetor 2022-mars 2023, ka tërhequr mallra të ndryshme për llogari të kësaj kompanie dhe nuk i ka depozituar ato, por i ka shitur në subjekte të tjera, duke përfituar shumën prej 2 600 000 lekësh të reja.
Njoftimi i Policisë:
Specialistët për Hetimin e Krimeve Ekonomike dhe Financiare të DVP Korçë ndaluan 40-vjeçarin me iniciale G. Sh., banues në fshatin Drenovë, Korçë.
Nga hetimet e kryera rezulton se 40-vjeçari, me detyrë agjent shitjeje në një kompani që tregton produkte ushqimore me shumicë, gjatë periudhës Tetor 2022-Mars 2023, ka tërhequr mallra të ndryshme për llogari të kësaj kompanie dhe nuk i ka depozituar ato, por i ka shitur në subjekte të tjera, duke përfituar shumën 2 600 000 Lekë të rinj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprën penale “Vjedhja e kryer duke shpërdoruar detyrën.
