Vrasja e ekstremistit grek në Bularat të Gjirokastrës ka shkaktuar bujë të madhe. Opinionet publike ndahen në dy pjesë: ka nga ata që mendojnë se Kaçifas është fajtori pasi provokoi forcat speciale, ndërsa të tjerë e konsiderojnë hero që mbrojti flamurin grek.
Kështu ndahet edhe opinioni grek, teksa shtetasit e vendit fqinj madje kanë debatuar me anë të komenteve.
Në një postim të fjalës të të atit të Konstandinos Kaçifas nga mediat greke, kanë plasur komentet mes qytetarëve.
Një prej komentuesve i drejtohet të atit të 35-vjeçarit që të ndihet krenar për të birin. Por, duket se shumë grekë nuk e kanë mbështetur komentin e tij. Kjo pasi qytetarët e konsiderojnë një budallallëk dhe provokim nga ana e minoritarit veprimin e tij.
“Plak të jesh krenar për heroin që ke lindur. Sa shumë të kam zili!”, shkruan nëj komentues, ndërsa tjetri ia kthen:
“Mund të bësh edhe ti të njëjtën gjë dhe të bëhesh hero. Pse ke zili? Merr armën dhe ik në Shqipëri”.
Një tjetër komentues shkruan se 35-vjeçari mund të festonte farë mirë në Greqi, ndërsa hedh dyshime se ai mund të ketë bërë diçka tjetër, duke sjellë ekzekutimin e tij nga forcat speciale:
“Nëse dashuronte flamurin grek përse nuk jetonte përgjithmonë në Greqi dhe ta ngrinte flamurin përditë këtu? Ç’punë kishte në Shqipëri që ta ngrinte atje flamurin grek. Më 28 tetor feston Greqia jo Shqipëria. Po kush e di nuk është vetëm kjo që e qëruan. Kushedi çfarë gjëra të tjera do ketë pasur trimi! Gjettë paqe me këto që bëri!”
“E kemi leckë fjalën Hero”, shkruan shkurt një tjetër komentues duke ironizuar përdorimin e kësaj fjale për Kaçifasin.
Ngjarja e së dielës ka sjellë padyshim debate të shumta e tension mes palës greke dhe asaj shqiptare, ndërsa shumë qytetarë grekë nuk janë dakord me atë që serviret nga mediat e tyre, pasi jo të gjithë janë dakord me “heroizmin” që po i bëhet të ndjerit./ TIRANA TODAY
Pse rrogat rriten në letra, por varfëria rritet në realitet?
