Një 30-vjeçar është plagosur me thikë në Vlorë këtë të hënë.
Uniformat blu bëjnë me dije se 30-vjeçari është goditur me thikë në këmbë nga kunati i tij 40 vjeç me iniciale G.K.
Ngjarja ka ndodhur në lagjen “24 Maji” rreth orës 13:20. I plagosuri ndodhet në Spitalin e Vlorës nën kujdesin e mjekëve.
Ndërsa autori i dyshuar është shoqëruar nga policia. Dyshohet se ai vuan nga probleme të shëndetit mendor. Vijon puna nga grupi hetimor për sqarimin e plotë të rrethanave të ngjarje.
