Një konflikt për motive të dobëta ka degraduar në përdorimin e thikave në Pogradec. 3 vëllezër janë konfliktuar me një 29-vjeçar të cilin e kanë plagosur me mjet prerës. Ngjarja ka ndodhur këtë të martë rreth orës 14:30, në lagjen nr. 1, tek ish-tregu.
29-vjeçari ndodhet në spital duke marrë ndihmën mjekësore të nevojshme, ndërsa vëllezërit janë shoqëruar në komisariat për veprime të mëtejshme procedurale.
Grupi hetimor po punon për sqarimin e rrethanave të ngjarjes.
NJOFTIMI I POLICISE
Plagosën me mjet prerës gjatë një konflikti një 29-vjeçar, kapen dhe shoqërohen nga Policia 3 autorët e dyshuar të ngjarjes. Më datë 10.10.2023, rreth orës 14:30, në lagjen nr. 1, Pogradec, tek ish-tregu, gjatë një konflikti për motive të dobëta shtetasit E. B., 28 vjeç, A. B., 20 vjeç dhe E. B., 25 vjeç (vëllezër), dyshohet se kanë dëmtuar me mjet prerës në trup shtetasin G. D., rreth 29 vjeç, banues në Pogradec, i cili u dërgua për mjekim në spitalin e Pogradecit.
Në ambientin e Komisariatit ndodhen të shoqëruar autorët e dyshuar të ngjarjes, për veprime të mëtejshme procedurale. Grupi hetimor po punon për sqarimin e rrethanave të ngjarjes.
