Një 22-vjeçar ka mbetur i plagosur me armë zjarri mbrëmjen e sotme në lagjen “Besëlidhja” të Lezhës.
Sipas informacioneve paraprake, shkak dyshohet të jetë bërë sherri mes disa të rinjve, që ka përfunduar me përdorimin e armës.
Mësohet se i plagosur ka mbetur 22-vjeçari Aleks Laska, i cili ka marrë një plumb në këmbë dhe ndodhet në spital, jashtë rrezikut për jetën.
Forcat e policisë kanë shkuar në vendngjarje dhe po punojnë për zbardhjen e plotë të saj, si dhe për identifikimin dhe kapjen e autorit.
“Në Urgjencën e Spitalit Rajonal Lezhë, ka shkuar për ndihmë mjeksore, i plagosur me armë zjarri në këmbë në rrethana ende të paqarta shtetasi A.L. 22 vjeç, banues në Rrilë, Lezhë, i cili ndodhet jashtë rrezikut për jetën.
Grupi hetimor në bashkëpunim me Prokurorinë po punon për sqarimin e rrethanave të ngjarjes, identifikimin dhe kapjen e autorit”, njofton policia.
