Ministri i ka shkruar Ndocajt nga Brukseli për ta pyetur se si ishte e mundur që kishte sajuar, sipas tij, në deklaratën e mbajtur në Kuvend. Ndocaj i është përgjigjur nga Milano, dhe biseda private ka degjeneruar në fyerje ndërsa ministri i kërkon deputetit të fshijë numrin e tij nga kontaktet.
Çfarë shkruan ndër të tjera Ndocaj, teksa publikon sms-të:
“Ai, Brukseli ku ti ndodhesh, është Brukseli i Demokristianëve, i vlerave të përfaqësuara nga Dom Nikoll Kaçorri.
Po mos të ishte kontributi i Dom Nikoll Kaçorrit dhe uniteti i shqiptarëve, Bushati nuk do të kishte mundësi të na dërgonte të falura sot.
Bushati është Ministri i Jashtëm i Shqipërisë e ka katër vjet që shëtit Botën dhe frekuenton BE-në me lekët e shqiptarëve pa bërë asgjë për integrimin e Shqipërisë që ka mbetur në vend numëro.
Një “dreq” e di çfarë bëjnë ministrat tonë nëpër Europë dhe Botë. Shumica livadhisin e bëjnë shoping. Këto janë ministrat e vendit më të varfër në Botë. Bushati mendon se karriera e pushteti janë të përjetshme”.
