Një sherr në Prishtinë ka përfunduar me plagosjen e tre nxënësve. Ngjarja ka ndodhur sot në shkollën Bujqësore, ndërsa mësohet se njëri prej nxënësve është në gjendje kritike për jetën.
Ende nuk dihet arsyeja që ka çuar në përleshje mes nxënësve, ndërsa dyshohet se e gjitha ka ndodhur për motive banale.
Burime të Expressit brenda shkollës thanë se therja me thikë ka ndodhur brenda klasës gjatë pushimit të orarit mësimor.
“Policia është në shkollë. Një nxënës është në gjendje më të rëndë e dy të tjerë kanë pësuar më pak lëndime”, tha ky burim.
