Azdren Llullaku ka shënuar përballë Steauas së Bukureshtit dhe ka zgjedhur të festojë duke bërë shqiponjën me duar, një festim i cili po përhapet më shumë dira-ditës. Por edhe këtë herë kjo mënyre festimi nuk është pritur mirë si në rastin e Xherdan Shaqirit dhe Granit Xhakës në Botërorin e Rusisë, të cilët që të dy u dënuan nga FIFA për këtë gjest.
Mediat e ‘shitën’ direkt si lajm të parë, duke e cilësuar si një gjest provokues, por Lukaku ka vendosur që të reagojë vetë dhe të japë sqarime se si duhet të komentohet ky lloj festimi i cili nuk ka lidhje fare me një provokim të mundshëm.
“Nuk kam dashur të provokoj dhe të fyej askënd. Është një mënyrë të festuari për ne kosovarët dhe nuk është një sfidë ndaj askujt. E bëjmë për t’i treguar atdheut tonë se mendojmë për të. Nuk ka pse të ketë ndonjë masë ndëshkimore, sepse nuk iu referova askujt. Jam i bindur se nuk do të ketë asnjë çështje disiplinore ndaj meje.”
