Kandidati për deputet në Qarkun e Gjirokastrës, Tritan Shehu ka deklaruar se vota e blerë ka ndikuar në rezultatin e zgjedhjeve.
Shehu tha se i takon policisë të hetojë këtë precedent duke shtuar se më tragjike është problemi i kanabisit dhe i drogës, të cilën e kam denoncuar edhe më pare.
“Procesi i votimit ishte normal, korrekt. Nëse do ta shohim në thelb, do shihnim probleme të mëdha, tragjike për vendin, siç është edhe blerja e votës. Blerja e votës ka ndryshuar rezultatin ne Gjirokastër. Ne kemi bërë thirrjet tona, por i takon policisë të hetojë. Ne nuk jemi në ndjekje të keqbërësve. Duhet ta bënin strukturat e policisë. Më tragjike është problemi i kanabisit dhe i drogës, të cilën e kam denoncuar edhe më parë, ndërsa ky qark është mbuluar nga droga. Paratë e drogës janë kthyer në mjet intimidimi, kërcënimi për njerëzit e ndershëm. Tani i përdorin në këtë mënyrë”, tha Shehu për‘Neës24’
Demokrati Tritan Shehu, doli fitues nga zgjedhjet e 25 qershorit në qarkun e Gjirokastrës ku PS-ja mori 3 deputetë, PD 1 dhe LSI 1.
