Kreu i partisë ‘Mundësia’ Agron Shehaj deklaroi nga Kuvendi se ambasadorët kanë zbarkuar sot në mbledhjen e KLP-së , për të parë nga afër procesin, që mos të tentohet ‘rrëmbimi’ i kreut të ri të SPAK nga ana e maxhorancës.
Duke iu kthyer kërkesës së tij për interpelancë me Ramën, ai tha që ajo duhet të shtyhet nëse ai nuk është i pranishëm.
“Po zgjidhet kreu i SPAK. Aty janë mbledhur të gjithë ambasadë dhe nuk ka vend për gazetarët. Ata kanë frikë se ju rrëmbeni dhe kreun e ri të SPAK. Shiko se çfarë poshtërimi po i bëjnë ambasadorët maxhorancës. I them kolegëve të opozitës, se e kanë zgjedhur këta, po e bëjnë lojën për Avokatin. Kam kërkuar një interpelancë dhe thatë se është sot. Ju kam pyetur, a do jetë kryeministri? Nëse nuk është kërkoj që interpelanca të shtyhet. Rregullorja është e qartë, ne kemi të drejtë të kërkojmë interpelancë me kryeministrin apo ministrat. Ça kuptimi ka që të kërkojë kryeministrin dhe të më vijë ministri? Ministrja Koçiu më tha, që nëse ke hall me merr në telefon.”, tha ai.
