Në një fjalim historik, kreu i MI6, Alex Younger, i është drejtuar me një gjuhë të ashpër Vladimir Putinit.
Alex Younger, i cili u bë shefi i shërbimit të inteligjencës britanike në vitin 2014 ka thënë se agjencitë spiunuese të Mbretërisë së Bashkuar duhet të transformohen.
Fjalimi ishte i zjarrtë, dhe ai pretendoi se Rusia po nxit një “konfrontimi të përhershëm” me Perëndimin.
Ai ka folur gjithashtu edhe për sulmin e agjent nervor ndaj Sergei Skripal, një spiun ish-rus, në Salisbury . Ngjarja ka ndodhur në mars të këtij viti. Që prej asaj kove marrëdhëniet mes Britanisë dhe Rusisë kanë qenë kritike.
Forcat e sigurisë britanike identifikuan kimikatin e përdorur kundër ish-spiunit rus, raporton Daily Star.
Novichok ishte një grup i fuqishëm agjentësh nervorë, i cili u zhvillua nga ushtria sovjetike në vitet ’70 dhe ’80.
Moska vazhdon të mohojë përfshirje e saj në ngjarje dhe akuzon agjencitë e inteligjencës britanike. Rusia është shprehur se Britania ka organizuar sulmin për të nxitur më tej urrejtjen anti-ruse.
Por, duke folur në ish-universitetin e tij në St Andrews në Skocisë, ai paralajmëroi: “Rusia apo ndonjë shtet tjetër që synon të shkatërrojë mënyrën tonë të jetës duhet të mos nënvlerësojë vendosmërinë tonë dhe aftësitë tona, apo ato të aleatëve tanë”./TIRANA TODAY/
