Sekretari i Shtetit, Rex Tillerson, bëri thirrje për sanksione të reja kundër Koresë së Veriut.
Deklarata e Tillerson u bë në Këshillin e Sigurimit të Kombeve të Bashkuara, ku ai u shpreh se mosveprimi kundër programeve të armëve të Koresë së Veriut, do të ishte me pasoja katastrofike.
Zoti Tillerson tha se komuniteti botëror duhet të rrisë izolimin financiar të Koresë së Veriut dhe tha se shpresonte në veprime të mëtejshme nga Kina, partnerja kryesore tregtare e Koresë së Veriut.
Ndërkohë, qeveria e Koresë së Jugut kundërshtoi thirrjen e presidentit amerikan, Donald Trump, për të paguar 1 miliardë dollarë për sistemin e mbrojtjes raketore.
Presidenti Trump tha në një intervistë se ai dëshiron zgjidhjen e krizës në mënyrë paqësore, por shtoi se ka mundësi që SHBA të përfshihen në një konflikt “shumë, shumë të madh” me Korenë e Veriut.
