Ish-kryeministri Nikolla Gruevski është i akuzuari kryesor për falimentimin e pa ligjshëm të kompanisë “Cosmos”. Në Shkup po zhvillohet procesi gjyqësor për rrënimin e “Cosmos” ku pronar është biznesmeni dhe ish-deputeti Fiat Canoski. Procesi gjyqësor po ndiqet edhe prokurori Xhon Meknill nga Shtetet e Bashkuara të Amerikës.
Meknill është këshilltari i ri juridik i ambasadës amerikane në Maqedoni, ai prokuror me 30 vite karrierë.
Në seancën e së mërkurës në Gjykatën Themelore të Shkupit, Meknill ka qenë prezent që në fillim të seancës për rastin “TNT”, me një përkthyes nga ambasada amerikane.
“Përfaqësues të ambasadës amerikane herë pas herë i ndjekin proceset gjyqësore si pjesë e angazhimeve tona të rëndomta për ndihmë të sistemit gjyqësor në Maqedoni”, thonë për Zhurnal, burime diplomatike pranë ambasadës amerikane.
Prokurori Mekenill, i cili më parë ka punuar si gazetar, në disa paraqitje tij ka theksuar rëndësinë e transparencës në gjyqësor.
Përveç Gruevskit ka akuzuar edhe ish-ministrin e Transportit dhe Lidhjeve, Mile Janakieski, ish-kreun e Gazi Babës, toni Trajkovski dhe katër të punësuar tjerë në këtë komunë të cilët kanë minuar dhe shkatërruar kompleksin në ndërtim, sipas planit dhe porosisë së Gruevskit dhe Janakieskit.
