Është arrestuar për tre vepra të ndryshme penale, Ylli Kupi, ish-kryetari i Komunës Petrelë në Tiranë.
“Ora News” ka mësuar se Kupi është vënë në praga rreth orës 03:30 të mëngjesit të datës 10 Maj, pasi ishte duke drejtuar mjetin në gjëndje të dehur dhe ka “Kundërshtuar punonjësit e policisë”.
Veç këtyre dy akuzave, Ylli Kupi, është ndaluar dhe për veprën penale të “Mosbindjes ndaj urdhërit të punonjësve të policisë”.
Ylli Kupi, në orët e vona të natës, lëvizte me një automjet me targë “AA 707 FE”, kur në rreth rrotullimin e Mulletit, është vënë re nga patrullat “Shigjeta” dhe “Shqiponja”.
Dy patrullat policore mësohet të jenë afruar në këtë zonë për të bërë lokalizimin e këtij mjeti, pasi informacioneve që ishin dhënë nga posta e Farkës, se brenda në makinë lëviznin persona të armatosur.
Automjeti po lëvizte me drejtim të ç’rregullt drejt rreth rrotullimit të Mulletit. Duke shkuar në drejtim të punonjësve të policisë.
Patrulla e policisë i ka bërë, shenjë ndalimi por drejtuesi i mjetit nuk ju është bindur urdhërit për të ndaluar, duke vijuar të eci meshpejtësi dhe vënë në rrezik jetën e tyre.
Policia i është vënë në ndjekje, duke e patur në një distancë të shkurtër, më pas automjeti ka ndaluar. Policët janë afruar te mjeti dhe i kanë kërkuar drejtuesit që të hapte xhamin e automjetit dhe tu përgjigjej urdhërave të Punonjësve të Policisë, por Ylli Kupi, nuk pranonte që të hapte as derën as xhamin e mjetit.
Në këtë moment kanë njoftuar përsëri sallën operative që të afronte dhe shërbime të tjera në ndihmë të tyre. Por në një moment drejtuesi i mjetit ka hapur derën, sapo shërbimet i janë afruar për ta ndaluar drejtuesi i mjetit ka filluar që ti shtynte ata fizikisht, si dhe i ka ofenduar Punonjësit e Policisë me fjalë fyese.
Ylli Kupi, ka tentuar përsëri të largohej duke mos ju bindur urdhërave të policisë, duke u ndodhur në këto kushte për të mos rrezikuar jetën, policët kanë ndërhyrë me forcë për ta neutralizuar atë, duke ja fikur makinën.
Edhe kur është shoqëruar në ambjentet e komisariatit Nr.1 në Tiranë, ish-kryetari i komunës Petrelë, Ylli Kupi, nuk ka pranuar ti nënshtrohet testit të alkoolit,duke kryer veprime kundërshtuese dhe lëshuar fyerje të rënda ndaj punonjësve të Policisë së Shtetit.
Nisur nga kjo situatë ai është transportuar në drejtim të Urgjencës së Spitalit “Nënë Tereza”, duke mundësuar marjen e një kampioni gjaku me qëllim kryerjen e testit të alkoolit.
