Kalimi i Xherdan Shaqirirt tek Liverpool është një histori suksesi për të dyja palët. Te ekipi i Stoke City, ku luante më parë futbollisti me origjinë shqiptare kishte humbur shkëlqimin dhe kjo jo për faj të aftësive të tij individuale.
Gjatë merkatos së verës Shaqiri kaloi te Liverpool, ku u kthye menjëherë në një element të rëndësishëm. Ai ka shënuar 6 gola për skuadrën e Klopp deri tani dhe gjithmonë që ka zbritur në fushë ka ndryshuar rrjedhën e takimit, duke justifikuar plotësisht 14.5 milionë eurot e shpenzuara për të nga Reds.
Në hakun kohor të një viti vlera e Shaqirit ka pësuar një rritje të madhe. Në janarin e vitit 2018, 27 vjeçari vlerësohej 14,5 milionë euro, ndërsa tash vlera e tij është 53,2 milionë euro. Këto statistika i ka publikuar kompania profesionale që merret me hulumtimin dhe vlerësimin e vlerave të futbollistëve në ligat më të forta evropiane.
Ekspertët nga Qendra Ndërkombëtare e Studimeve të sportit (CIES) me bazë në Neuchatel e kanë analizuar dhe vlerësuar paraqitjen e lojtarëve dhe kontributin e tyre për klubet dhe përfaqësueset përkatëse. Ky vlerësim bëhet nga viti 2013. Shaqiri bëhet kështu futbollisti me rritjen më të madhe të vlerës prej futbollistëve nga Zvicra.
