Sfidë e re për Kaka, por jo tek Milani

Ricardo Kaka me anë të një postimi në Instagram ka bërë të ditur se karriera e tij jashtë fushës së blertë tani ka filluar. Ai nuk do të jetë në një post drejtues tek Milani si ç’ishte raportuar më parë, por i ka dhënë një hap të ri karrierës duke u bërë pjesë e një agjencie për menaxhimin e talenteve.

Në profilin e tij, 35-vjeçari ka shkruar: “Bashkëpunimet e suksesshme janë ato, në të cilat të gjitha palët janë të fituara. Të nisim këtë vit me projekte të reja dhe sfida të rëndësishme”, duke zyrtarizuar kështu fillimin e karrierës jashtë fushës së blertë në kompaninë “Best Of You”.