HBO Max ka njoftuar një nga datat më të pritura televizive të 2021-shit: rikthimi i shumëpritur i ‘Friends’ do të debutojë në platformën streaming në SHBA në 27 maj.
The One Where We Get to See Our Favorites Back Together Again. The #FriendsReunion is coming on May 27 only on @HBOMax. pic.twitter.com/HDIFOEXcxu
— FRIENDS (@FriendsTV) May 13, 2021
HBO ka publikuar trailerin e parë për episodin special të drejtuar nga Ben Winston, transmetimi i të cilit është shtyrë për rreth një vit për shkak të pandemisë që ka vonuar ndjeshëm xhirimet dhe post-produksionin.
Specialja do të ketë protagonistë të gjithë kastin e sitkomit të famshëm të viteve ’90: Jennifer Aniston, Courteney Cox, Lisa Kudrow, Matt LeBlanc, Matthew Perry dhe David Schwimmer, të gjithë të rimbledhur në studiot Warner Bros në Los Angeles. .
Secili prej tyre, shkruan ‘Variety’, ka marrë rreth 2.5 milion dollarë. Por do të ketë edhe yje të ftuar: nga David Beckham te Justin Bieber, nga Cindy Crawford te Cara Delevingne, nga Lady Gaga te Reese Witherspoon dhe shumë të tjerë.
