Sergio Ramos njihet si një adhurues i tatuazheve dhe në trupin e tij mund të gjesh shumë të tillë. Në daljen e fundit në publik në dorën e majtë është vënë re një tatuazh i çuditshëm, disa numra mbi gishtat e dorës së majtë me ngjyrë të kuqe. Kjo gjë ka ngritur një nunër të madh teorish mbi domethënien e atyre numrave. Mbrojtësi spanjoll përdori Twitter për ta treguar dhe zbuluar domethënien.
Ai shkroi: “Numrat e jetës sime, në ngjyrë të pastër. Çfarë do të thotë?” SunSport: ka mundur të zbulojë të gjitha lidhjet me numrat më të rëndësishëm për kapitenin e Real Madrid. Çdo tifoz i vërtetë i Real Madridit do të donte të dinte se çfarë do të thotë numri 90+ në gishtin e mesit. Bëhet fjalë për minutën kur ai shënoi golin e barazimit të famshëm në finalen e Ligës së Kampionëve, kundër Atletico, e cila u kthye në kohën shtesë në një fitore 4-1 dhe “Decima”.
Numrat 35 dhe 32 korrespondojnë me numrat e fanellës që ka pasur Ramos në skuadrat ku ka luajtur, fillimisht te Sevilla e pastaj në “Bernabeu”. Nuk ishte e lehtë të deshifrohej numri 19 në tatuazh. Ramos ka nënshkruar për Real Madrid kur ishte 19 vjeç, por ai gjithashtu kishte veshur fanellën me këtë numër në debutimin e tij si lojtar i kombëtares së Spanjës kundër Kinës.
