Serbia ka mbyllur terminalin e Preshevës, duke e zhvendosur në Vranjë, 40 kilometra larg kufirit. Qeveria e ka marrë këtë vendim me arsyetimin se ka rënë importi dhe eksporti.
Mbyllja e këtij terminali ka shkaktuar reagime në Luginën e Preshevës, raportojnë mediat kosovare.
Ministria e Financave dhe Ekonomisë e Republikës së Serbisë, Bordi i Doganave bëri të ditur se do të mbyllet Terminali doganorë në Preshevë. Besnik Sadiku, kryeshef i shërbimit të Financave në Komunën e Preshevës, e ka vlerësuar të dëmshëm mbylljen e terminalit doganorë.
