Politikat serbe që po zbatohen në Luginën e Preshevës, aktualisht i kanë lënë rreth 4 mijë shqiptarë pa shtetësi.
Situata është tensionuar shumë dhe rrezikon të shpërbehet, për shkak të dëbimeve masive të shqiptarëve nga ana e Serbisë.
Fatmir Arifi, profesor i marrëdhënieve ndërkombëtare, në Luginë, thotë se Serbia, përmes strategjisë së saj po shkatërron çdo gjë shqiptare.
Ndërsa, kryetar i Këshillit Nacional Shqiptar, Jonuz Musliu, për Luginën e Preshevës, thotë se vazhdimisht po ushtrohet dhunë psikike nga ana e Serbisë në këtë pjesë, duke i detyruar të largohen mijëra shqiptarë; nga 100 mijë vetë sa ishin atëherë, tani janë reduktuar 60 mijë.
