Seanca Parlamentare do të jetë një sfidë për mazhorancën. Ditën e sotme do të hidhen në votim 7 nga 27 projektligjet e Reformës në Drejtësi, të cilat duhet të kalohen me 84 vota. Kjo është një sprovë për maxhorancën ndërsa opozita e ka bojkotuar Kuvendin prej 41 ditësh dhe vazhdon protestën e saj përpara Kryeministrisë duke kërkuar qeverinë teknike për zgjedhjet e lira. Një mungesë e justifikuar në sallën e parlamentit do të jetë edhe ajo e deputetit të LSI-së Gjovalin Kadeli i cili është nisur për kurim në Itali.
7 projektligjet e rëndësishme që presin të votohen janë:
“Për mbrojtjen e dëshmitarëve dhe bashkëpunëtorëve të drejtësisë”,
“ Kodi i Procedurës Penale i Republikës së Shqipërisë”
“Kodi Penal i Republikës së Shqipërisë”
“Kodi i Drejtësisë për të Mitur”
“Kodi i Procedurës Civile të Republikës së Shqipërisë”
“Për disa ndryshime dhe shtesa në ligjin nr.49/2012, “Për organizimin dhe funksionimin e gjykatave administrative dhe gjykimin e mosmarrëveshjeve administrative”.
“Për organizimin dhe funksionimin e Ministrisë së Drejtësisë”.
