Dy skuadrat e mëdha të Premier League, Arsenal dhe Manchester United do të përballen në Emirate të shtunën, por cilët nga lojtarët në dispozicion meritojnë një vend në XI më të mirë të kombinuar? Nëse Gunners duan të mbajnë gjallë interesin e tyre për titullin, është një ndeshje që ata me siguri duhet të fitojnë, pasi ata qëndrojnë katër pikë prapa lojtarëve të Jose Mourinhos, këta të fundit janë -8 pikë larg nga fqinjët e Manchester City.
Të dyja skuadrat patën përvojë pozitive në mesjavë, ku United fitoi 4-2 ndaj Watford por nuk ishte ndeshja më e mirë që mund të jepte skuadra e portugezit. Arsenali shënoi një fitore të thellë, 5-0 ndaj Huddersfield, por ata humbën sulmuesin Alexandre Lacazette për shkak të lëndimit.
DAVID DE GEA (Man Utd): De Gea është ndoshta portieri më në formën në futbollin botëror aktualisht, duke nënkuptuar që ai lë pas Petr Cech në përzgjedhje. Spanjolli ka mbajtur 12 herë të paprekur në tetëmbëdhjetë ndeshje në kampionat dhe në Ligën së Kampionëve portën dhe ka bërë një seri pritjesh mahnitëse.
SHKODRAN MUSTAFI (Arsenal): Gjermani 25-vjeçarë është kthyer kohët e fundit nga një problem që e mbajti atë për një muaj jashtë fushave. Gjatë asaj kohe, Arsenali nuk arriti të mbante portën e paprekur. Që kur ai është kthyer, ata nuk kanë pësuar në tre ndeshje, ndërsa Mustafi ka shënuar edhe një gol në derbin me Tottenhamin.
LAURENT KOSCIELNY (Arsenal): Një veteran 32 vjeçarë i Arsenalit, francezi është kthyer në një udhëheqës të vërtetë të mbrojtjes së Arsene Wenger. Ai mbetet një lojtarë i rëndësishëm për Gunners, pavarësisht luhatjeve që ka pësuar.
CHRIS SMALLING (Man Utd): Me Phil Jones dhe Eric Bailly në konkurrencë, në ndeshjet e fundit ai është preferuar të nisë si startues. Që kur erdhi në fushë si një zëvendësues në fitoren 1-0 ndaj Southampton, ai ka bërë paraqitje të shkëlqyeshme.
HECTOR BELLERIN (Arsenal): Wenger i ndërroi pozicionin në fushë pasi po aplikon formacionin 3-4-3, spanjolli është përdorur në një pozicion gjithnjë e më ofensiv. Ai ka luajtur çdo minutë të Premier League për Gunners këtë sezon dhe ka provuar veten po aq të besueshëm në këtë pozicion të ri. Vetëm numri i paraqitjeve lë jashtë Antonio Valencian.
PAUL POGBA (Man Utd): Filloi sezoni shkëlqyeshëm para se të vuante një dëmtim në kofshës. Megjithatë, ai u kthye me bujë kundër Newcastle, duke shënuar një gol dhe duke krijuar një tjetër, dhe që atëherë ka luajtur ndeshje të plota kundër Brighton dhe Watford. United nuk kanë humbur asnjë ndeshje me francezin në fushë.
ARON RAMSEY (Arsenal): Asisti i bukur i mesfushorit për Alexandre Lacazette, në golin e parë në ndeshjen e mesjavës ishte me të vërtetë fantastik. Ishte thjesht vazhdimësia e një forme të frikshme që e ka parë të krijojë pesë gola dhe të shënojë dy të tillë.
ASHLEY YOUNG (Man Utd): Nuk e kishte pritur që të gjente veten duke luajtur në krahun e majtë në fillim të sezonit, por kjo është ajo ku ish lojtari i Aston Villa gjen veten dhe është duke luajtur shkëlqyeshëm në atë rol. Pas asistimeve kundër Newcastle dhe Brighton, ai shënoi dy herë kundër Watford, duke shënuar një gol mjaft të bukur nga goditje dënimi. Kjo formë e lartë është e mjaftueshme për të parë Sead Kolasinac jashtë kësaj njëmbëdhjetëshje.
MESUT OZIL (Arsenal): Ylli i Gjermanisë ka qenë në formë mjaft të lartë kohët e fundit, duke pasur parasysh se si e nisi këtë sezon. U desh të vinte 22 tetori që Ozil të regjistronte golin e tij të parë për këtë sezon dhe pikërisht ai gol ndaj Evertonit bëri kthesën për turko-gjermanin. Ai ka pesë asistime dhe dy gola në pesë ndeshjet e tij të fundit.
ANTHONY MARTIAL (Man Utd): Në një moment dyshonin për të ardhmen e francezit në Old Trafford, por ai ka ndryshuar mendjen e Mourinhos, në atë masë saqë do të startojë në Emirates. Ai ka gjashtë gola dhe dy asistime në Premier Ligë, duke shënuar tri herë në 250 minutat e fundit në fushë.
ALEXIS SANCHEZ (Arsenal): Me Lacazette të lënduar dhe Romelu Lukaku dukshëm jashtë formës, kiliani do të luajë në majë të kësaj përzgjedhjeje. Kontrata e tij skadon në verë dhe nuk ka ndërmend ta rinovojë, prandaj mund të negociojë me ekipet që nga janari. Me tre gola në tre ndeshjet e fundit Sanchez është rikthyer në formën e tij më të mirë.
