Bixby është një asistent i llojit tjetër me atë që jemi mësuar deri më tani. Në dallim nga Siri, Cortana ose Google Assistant, të cilët, informacionet për përdoruesit i mbledhin në internet dhe, më pas, ofrojnë informacione relevante, Bixby bën përdoruesin të shfrytëzojë telefonin e tij sa më shumë.
Çdo gjë mund të kryhet përmes zërit, prandaj dhe Samsung futi këtë funksion, pa pasur nevojë që ta prekni. Bixby aktualisht punon me vetëm disa aplikacione Android të Samsung, ndërsa kompania gjatë prezantimit njoftoi se Bixby do të punojë në Google Play Music dhe aplikacionet e palëve të treta. Ajo çfarë Samsung ka përmendur është përdorimi i asistentit virtual përmes Samsung Connect të pajisjeve të mençura shtëpiake.
Bixby do të ketë mundësi të punojë në gjuhën angleze dhe koreane, derisa më vonë do të jenë të qasshme edhe gjuha kineze dhe ajo spanjolle.
