Salihi rikthehet tek goli dhe Neustadt tek fitoreja

Hamdi Salihi është rikthyer të jetë protagonist duke shënuar gol dhe duke rikthyer tek fitorja ekipi e tij. Neustadt ka arritur të fitojë me rezultatin e thellë 6-3 ndaj BW Linz, në një ndeshje që ishte vërtet spektakolare në Ligën e Dytë të futbollit në Austri. Sulmuesi shkodran shënoi golin e avantazhit për ekipin e tij në minutën e 35-të të takimit, në kohën kur ndeshja ishte në barazim 2-2, dhe pas këtij momenti ekipi i Salihit do të shënonte dhe 3 gola të tjerë, që do ti dhuronin fitoren ekipit të Neustadt.Hamdi Salihi vinte në këtë ndeshje pas disa sfidash radhazi pa shënuar, madje sa herë që sulmuesi shqiptar nuk shënonte për Neustadt as ekipi nuk fitonte. Pas këtij goli Hamdi Salihi shkon në kuotën e 15 golave të shënuar gjatë këtij sezoni në Ligën e Dytë të futbollit në Austri. Sulmuesi shqiptar është në garë për këpucën e artë në Austri, pasi është duke bërë një sezon të shkëlqyer futbolli deri tani. Ndërkohë ekipi i Neustadt ngjitet në kuotën e 38 pikëve dhe ndan vendin e parë me pikë të barabarta me ekipin e Ried. Wiener Neustadt ëshë pretendent për t`u ngjitur në Bundesligën Austriake të futbollit këtë sezon. Pas kësaj ndeshje, Salihi dhe shokë e mbyllin më të qetë sezonin futbollistik, pasi do të shkojnë në pushime dimërore për tu rikthyer në fillim të vitit 2018 për rinisjen e kampionatit.