Ish deputeti demokrat Ervin Salianji, në konferencën e parë publike, pak orë nga lënia e qelisë në burgun e Fierit ka dhënë arsyen e vërtetë sipas tij, të burgosjes politike nga pushteti.
Në daljen për median nga selia blu, Salianji tha se burgosja e tij politike, u bë për shkak ët prekjes së një prej karteleve më të rrezikshme të drogës të lidhura me pushtetin, teksa iu referua denoncimit për vëllain e ish-ministrit të Brendshëm, Fatmir Xhafaj, Geron Xhafaj.
Sipas Salianjit, pushteti i Ramës dhe pushteti që buron nga këto lidhje, si dhe burgosja politike e tij, ishte një mesazh për kolegët deputetët të PD apo edhe vetë qytetarët.
Burgosja ime politike u bë për shkak të prekjes së një prej karteleve më të rrezikshme të lidhura me pushtetin. Pushteti i Ramës dhe pushteti që buron është nga këto lidhje, dhe dënimi politik ishte sms për kolegët e tjerë dhe qytetarët, që mund ta pësojnë pa bërë asgjë.
Kam dalë nga burgu pasi kreva dënimin politik. Është sakrificë e bërë nga unë në dobi të interesit publik. Është i pari rast në 34 vite që një individ dënohet për kallëzim të rremë, kur s’ka pasur fare kallëzim, veç denoncimit publik.
