Salah shokohet nga tifozët: E vërshëllejnë kur merr “Këpucën e Artë”

Mohamed Salah ka arritur të shënojë 39 gola në këtë edicion të Premier Laegue dhe sot në javën e fundit i është dorëzuar edhe trofeu i “Këpucës së Artë”. Ishte një vit fantastik për egjiptianin, i cili udhëhoqi Liverpool drejt një vendi mes katër më të mirëve.Gjatë ngritjes së trofeut ama, e gjithë vëmendja shkoi te vajza e tij simpatike. Teksa ajo po vraponte duke luajtur me topat në hyrje të fushës, të gjithë tifozët ishin duke e duartrokitur me të madhe. Aq shumë kishte tërhequr vëmendjen e tyre, saqë kur Salah u afrua për të prezantuar trofeun stadiumi e priti me një vërshëllimë. E gjitha ishte pjesë e shakasë, pasi më pas rifilluan duartrokitjet dhe brohoritjet për sulmuesin.