Armando Sadiku është vënë në kërkim të një skuadre të madhe. Ai synon të largohet nga Lugano dhe është duke menduar për një klub të madh gjerman ose italian.
Sadiku po kalon një formë të mirë te Lugano, ku ka shënuar 6 gola në tetë ndeshje, në 2 muaj e gjysëm. Për këtë arsye, Sadiku po mendon që formën e tij të mirë ta shfaqë në një klub të madh evropian.
Nga ana e tij, presidenti i Luganos, Angelo Renxetti, e ka pranuar se do ta ketë të vështirë për ta mbajtur Sadikun gjatë në klubin e tij, shto këtu që sulmuesi shqiptar është i huazuar nga Zurich.
“Ne zotërojmë vetëm 25% të kartonit të tij dhe do të jetë e vështirë për ta mbajtur edhe në të ardhmen. Shpresojmë që të mund të fitojmë diçka nga largimi i tij në ndonjë skuadër tjetër”, – ka deklaruar presidenti i Luganos.
