Lugano vazhdon të marshojë drejt rezultateve pozitive, Europa tashmë është e sigurt për ekipin e Sadikut i cili po “çmend” Superligën zvicerane.
Sot Lugano barazoi 2-2 në shtëpi kundër Bazelit kampion, në një ndeshje spektakolare.
Gjatë kësaj ndeshje, sulmuesi i Kombëtares Shqiptare, Armando Sadiku, barazoi në minutën e 80-të, duke çuar topin me gjoks në rrjetë.
Ky realizim spektakolar i golit, Sadikut i kushtoi shtrenjtë, pasi vrapimi drejt hekurave për të festuar me tifozët i kushtoi kartonin e dytë të verdhë në një minutë dhe doli me karton të kuq.
